ҚЫЛМЫСТЫҚ- ҚҰҚЫҚ ПӘНДЕР ЖӘНЕ ҚҰҚЫҚ ҚОРҒАУ ҚЫЗМЕТІ КАФЕДРАСЫ

Толығырақ

Категория: Demo

Қаралды: 18626

Қылмыстық-құқық пәндер және құқық қорғау қызметі кафедрасы Д.А.Қонаев атындағы Еуразиялық заң академиясының алдыңғы қатарлы кафедралардың бірі болып табылады. 

    Кафедраның дамуына өз уақытында үлес қосқан  мамандар ретінде Қазақстанның атақты заңгерлері з.ғ.к., профессор А.И. Новиков пен з.ғ.к., профессор  И.Б. Зинкевичті атауға болады.           

Қазіргі уақытта кафедра меңгерушісінің міндетін атқарушы з.ғ.к., доцент Т.И.Зинкевич.

Кафедраның профессорлық – оқытушылық құрамы құқық қорғау органдары жүйесінде қомақты ғылыми және тәжірибелік жұмыс дағдыларына ие, ол дегеніміз студенттерге теориялық  білімдермен қатар қылмыстық құқық бұзушылықтармен  күресудегі құқыққолданушылық қызметінің тәжірибелік ептіліктерін  де дамытуға мүмкіндік береді.

        Қазіргі таңда кафедрада мемлекеттік және орыс тілдерінде білікті ғылыми  және тәжірибелік мамандар қызмет атқарады: з.ғ.д., профессор Д.С. Чукмаитов., з.ғ.д., профессор Куаналиева Г.А., з.ғ.д., профессор Утибаев Г.К.,  з.ғ.к., профессор  Новиков А.И., з.ғ.к., профессор  Зинкевич И.Б., з.ғ.к., ассоц.профессор  Вареникова С.П., з .ғ.к., доцент Зинкевич Т.И.,   з.ғ.к., доцент Терликбаев К.Т.,  з.ғ.к., доцент Казакеева С.С., з.ғ.к., доцент  Ахметова С.А., з.ғ.к., доцент  Есболатова Р.М., з.ғ.к., доцент Торғаутова Б.А.,  аға оқытушылар: Дюсебаев Т.Т. мен Рахимова Г.Н.. 

Қылмыстық-құқық пәндер және құқық қорғау қызметі кафедрасы «Құқықтану», «Құқық қорғау қызметі» және «Халықаралық құқық» мамандықтары бойынша студенттер мен магистранттарды даярлауды қамтамасыз етеді.

Кафедра профессорлық-оқытушы құрамымен студенттерге «Қылмыстық құқық», «Қылмыстық іс жүргізу құқығы», «Криминалистика», «Прокурорлық қадағалау», «Сот экспертологиясы», «Адвокатура» сияқты міндетті және профилдік пәндердің оқытылуы қамтамасыз етіледі. Сонымен қатар, кафедрада студенттердің таңдауы бойынша жүргізілетін арнайы курстар қарастырылған, атап айтқанда: «ҚР Құқық қорғау органдары», «Қылмыстың жекелеген түрлерін тергеу әдістемесі», «Жеке адамға қарсы қылмыстар», «Қылмыстық атқару құқығы», «Жедел іздестіру қызметі», «Сот медицинасы және психиатрия негіздері» және т.б. 

Бейіндік және ғылыми-педогогикалық бағыттағы магистранттарға арналған «Қылмыстық және  қылмыстық-процестік заңнамаларды құқық қолданушылық тәжірибесінің өзекті мәселелері», «Халықаралық қылмыстарды тергеудің криминалистикалық ерекшеліктері», «Қылмыстарды тергеу кезінде процесуалдық емес ақпараттарды қолдану мәселелері» және т.б. пәндер жүргізіледі.

        Оқу беру ісінде кеңінен таратылатын интерактивті әдістер: қылмыс оқиғалары мен тергеу  әрекеттерін модельдеу арқылы іскерлік ойын, интерактивті тақтаны пайдалану арқылы әр түрлі сабақтар мен сайыстар, тәжірибелік есептерді шешу қолданылады.

Кафедра жанында тергеу әрекеттерін жүргізуге арналған оқу криминалистикалық полигон құрылған. Криминалистикалық тактика мен қылмыстардың жекеленген түрлерін тергеу әдістемесі пәндері бойынша тәжірибелік сабақтар шынайы өмірдегі қылмыстарға жақын оқиғаларды тергеуге арналған криминалистикалық оқу-әдістемелік полигонында жүзеге асырылады. 

Кафедраның кабинетері стендттер мен осы заманға сай көрнекті құралдармен жабдықталған; оқу процесінде техника – криминалистикалық құралдар, тергеу чемоданы, дактилоскопиялық ұнтақтар, мультимедиялық құрал-жабдықтар қолданылып, проектор бейнемагнитофон арқылы оқу-көркем фильмдер көрсетіледі. 

Кафедраның профессорлық-оқытушы құрамы ғылыми жұмыстармен жемісті айналысады. Олардың еңбектерінің басты мақсаты қылмыстық құқық, криминалистика, қылмыстық іс жүргізу құқығы және жедел іздестіру қызметі ғылымдарының теориясын, тәжірибесі мен заңнамалық техникасын жетілдіру және криминалистика, криминология, прокурорлық қадағалау, адвокатура, сот экспертологиясы ғылымдарының өрісін дамыту болып табылады. 

Оқытушылармен криминалистика, қылмыстық іс жүргізу құқығы және жедел іздестіру қызметі және т.б. бойынша көптеген жұмыстар жарияланды, олардың еңбектері республикалық сонымен бірге таяу және алыс шет елдердің басылымдарында көрініс тапты. 

Кафедра заң ғылымдарының докторлары, профессорлар Т.В. Аверьянова, А.Р. Белкин, Е.Р. Россинская сияқты Ресей Федерациясының атақты ғалым криминалистерімен белсенді ғылыми байланыс орнатқан. Елімізде осы ғалымдармен бірлесіп әзірленген криминалистика бойынша оқулықтар жарық көрді. Қазіргі уақытта кафедра  еліміз бен шет мемлекеттердің  алдыңғы қатарлы оқу орындары және құқық қорғау органдарымен ғылыми байланыс орнатқан.